Pippo Zaccaria
Contame 'na barzeleta!
Pagina 1
Bepi, un pescaore ciosoto, dopo tanto tempo incontre un so’ ex compagno de
militare.
- Ciao Bepi, quanto tempo che non ci vediamo… Sai ho fatto carriera, sono
diventato un grande industriale, ho un fatturato di 1.200 miliardi annui…
Contento per el successo dell’amico a ghe domande:
- Gino, come mai a Ciosa?
- Sono di passaggio… Devo fermarmi solo una notte, anzi, visto che
conosci la zona potresti indicarmi un albergo?
- Xestu matto? Stasera ti dormi a casa mia…
Cossì a porte l’amico a casa soa, a ghe presente so’ mugere e Anna, la fia
da disdotto anni… I passe una bella serata in compagnia e po’ tutti in
letto. Siccome camere ghe ne xè solo una all’ospite ghe toche dormire in
camera co’ la fia… Passe la notte e la mattina dopo Gino parte saludando
tutti. Passe un puoco de tempo e dopo qualche mese Anna comince a ‘vere le
nausee e tutti i sintomi della gravidanza. No essendo niancora morosa i
genitori se reoccupe, el Bepi ghe
domande:
- Chi xè sta’? Dime chi che xè sta’ che lo masso!
- Xè sta’ el to’ amico Gino!
- Gino? Quela notte che a s’ha ferma’ a dormire? Ah cancaro! Ma lo
vago a ciapare…
Cossì el Bepi parte per Milano e l’arrive nell’azienda de Gino. A se fa
annunciare dalla segretaria e appena che a lo vede a lo ciape per el coppin:
- Traditore! Te ospito in casa, te dago da magnare,da dormire e ti per
tutta ricompensa ti me metti in cinta la fia…
Ma mi te masso, te coppo…
- Calma Bepi, non preoccuparti. Io tua figlia non la posso sposare, ma
baderò ugualmente a lei. I soldi non sono un problema per me. Se nascerà una
bambina avrai un assegno di un miliardo, se nascerà un bambino te ne darò
due.
- E se nasse dò zemei?
- Allora te ne darò tre!
Tranquillizzà, el Bepi ghe strenze la man a Gino e a fa per andare via. Co
l’arrive alla porta a se ferme e…
- Oh Gino, nella malaugurata ipotesi che la me abortissa,vara che ti me la
metti in cinta un’altra volta!
El Guido s’ha comprà la macchina nova e a xè tranquillo che a corre per
Viale Mediterraneo quando tutto s’un colpo a vien tamponà da un furgon… A
smonte tutto desperào:
- Mamma mia, la macchina nova…
Quelo che ghe xè andà adosso smonte anca elo e per rassicurarlo a ghe dise:
- No starte a preoccupare, mi su’ Bettini, el miglior carrossiere delle
Tre Venessie, portala in officina da
mi che tempo tre dì te la sistemo…
El Guido, ancora disperà:
- Ma la xè nova, ghe la dovevo fare vedare a mia mugere… Come fasso…
El carrossiere vedendolo puoco svegio ghe dise:
- Te insegno un trucco per mettare in sesto la carrosseria…Basta che ti
suppi a tutta forsa sul tubo de scappamento cossì la lamiera
co la pression, torne normale.
El Guido incredulo:
- Ma và!
- Te lo digo mi che su el miglior carrossiere delle Tre Venessie
- ghe risponde l’altro.
Quel povero inseminio del Guido se mette a suppiare e l’altro se
n’approfitte per scampare via… Quelo xè ancora che suppie e càpite una
pattuglia dei carabinieri.
- Scusi capo, cosa stà facendo?
- Siccome me xè vegnui adosso un carrossiere, el migliore delle Tre
Venessie, a m’ha ditto che suppiando a tutta forsa sul tubo de scappamento
la lamiera torne normale…
Elenco Pagine:
1 - 2 - 3 -
4 - 5 - 6 -
7 - 8 - 9 -
10
Torna al menu di "Contame 'na barzeleta!"
Abbonati ai Feed, se non sai come fare leggi
questa
guida.
Questo sito è stato ottimizato per Firefox, scaricalo per ottenere il massimo!
